Son günlərdə Whatsapp’ın yeni gizlilik siyasəti ilə bağlı qərarı insanları narahat etməyə başladı. Dünyanın dördbir yanında yaşayan Whatsapp istifadəçilərinin böyük etirazlarına səbəb oldu.
“Amma Whatsapp’ın gizlilik siyasətini oxuyan on, danışan miliyon.”
Etiraz edən Whatsapp istifadəçilərin çox hissəsi bu siyasəti oxumayıb, oxusa belə bu kimi qərarlar insanların çoxunun anlaya biləcəyi dildə deyil. Ona görəki texnoloji və texniki tərəfləri var.
Əslində dünya şirkətlərini, insanların fotoları, vidroları və mesajları maraqlandırmır. Onları maraqlandıran, o məlumatların arxasında baş verən kodlardır yəni davranışları.
Çox insan düşünürki şirkətlər, insanların foto, video və mesajlarını hardasa saxlayıb onları ya satır yada yayımlayır amma bu belə deyil. Heçbir şirkət o məlumatları hardasa açıq-aydın yayımlamır.
Qeyd edimki, heçbir şirkət insanların məlumatlarını fayl olaraq hardasa saxlamır o məlumatları öz daxili yaddaşında kod olaraq saxlayır.
Səbəbi isə, bu kodlar vasitəsi ilə bir süni intellekt, bir insanın davranışlarını analiz edir və özünün insan modelini yaradır. Bu modellər isə mərkəzləşdirilmiş “Big Data”da saxlanılır. Zamanı gəldiyində istifadə edilə bilsin deyə.
Dərin not: “Hər bir insanın məlumatları yəni foto, vidro və mesajları yüksək səviyyədə qorunur və heç bir yerdə yayımlana bilməz.”
Bəs sual yaranır: Süni intellekt niyə özünün insan modelini yaratsınki? Cavabı isə fərqli və çoxşahəlidir. Ümumilikdə isə bunu iki hissəyə ayırmaq olar.
1. Görünən və bilinən tərəfləri.
- Texnoloji inkişaf
- Şirkətlərin, az vəsaitlə daha çox qazancı və s.
2. Görünməyən və bilinməyən tərəfləri.
- Sinqularitinin yaradılması üçün, daha çox big data məlumatlarının artırılması.
- İnsanların istənildiyi kimi yönləndirilməsi və idarə olunması və s.
Bir növ çoxluğu avtomatlaşdırılmış maşın vasitəsi ilə ayırd etmək və kateqoriyalara daha sürətli ayırmaq. Yəni, süni intellektdə olan məlumatlara görə insanları maraq və davranışlarına avtomatiq və sürətli olaraq kateqoriyalara ayırmaq və onların marağına uyğun yönləndirərək idarə etmək.
Oxuduğunuz üçün təşəkkürlər. Hörmətlə, Emin Məmmədov.